Бокстан әлем чемпионаты: Карина Ибрагимова финалда ұтылып, алтынсыз қалды

Бокстан Үндістан астанасы Нью-Делиде өтіп жатқан әйелдер арасындағы әлем біріншілігінде Қазақстан қоржыны бір күміспен толықты, деп жазады KAZ.NUR.KZ.

57 келіге дейінгі салмақта Карина Ибрагимова күміс медаль иеленді. Ол финалда италиялық Ирма Тестамен жұдырықтасты.

Аса тартысты жекпе-жек алма-кезек шабуылмен өтті. Бірақ ұпай санымен қарсылас қыз басым түсті.

Бұл Каринаның әлем біріншілігінде жеңіп алған ең алғашқы медалі екенін айта кеткен жөн. Ол сынға түсетін салмақ Олимпиада бағдарламасына енген.

Одан бөлек, қазақстандық боксшы Алуа Балқыбекова әлем чемпионатының қоласын жеңіп алды.

Мәтіннен қате тапсаңыз, бізге жазыңыз