Бокстан Қазақстан ерлер құрамасының бас бапкері Мырзағали Айтжанов Ташкентте өтетін әлем біріншілілігіне дайындық жұмыстары қалай жүріп жатқанын айтты, деп хабарлайды KAZ.NUR.KZ тілшісі Қазақстанның бокс федерациясына сілтеме жасап.
"Әлем чемпионатының алдындағы соңғы оқу жаттығу жиыны Түркістан облысында, "Алма-Тау" спорт кешенінде өтеді. Ол жерде бірлескен оқу-жаттығу жиындары болады. Үлгерсе, Аустарлия, Филиппин, Армения және Тәжікстан секілді елдер келеміз деп отыр. Соңғы оқу жаттығу жиынында шеберлікке және тактика назар аударатын боламыз. 29 сәуір күні Ташкентке аттанамыз, 30 сәуір күні жеребе тарту рәсімі өтеді. 1-14 мамыр аралығында Қазақстан құрамасы бокстан әлем біріншілігіне қатысады.
Оқу жаттығу жиынының ортасында жарысқа қатысатын боксшылардың тізімін ұсынамыз", - деді Мырзағали Айтжанов.
Мақаланың түпнұсқасы: https://kaz.nur.kz/sport/boxing/2017072-bokstan-taskentte-otetin-alem-cempionatynda-el-namysyn-kim-qorgaidy-myrzagali-aitzanov-pikir-bildirdi-video/
