"Өлетінімді сеземін": әйгілі Майк Тайсон өзінің ажалы туралы айтып, көпшілікті алаңдатты

Әлем боксының аңызы Майк Тайсон өзінің ең үлкен қорқынышы туралы айтты, деп хабарлайды Hotboxin' with Mike Tyson YouTube жобасына сілтеме жасаған KAZ.NUR.KZ.

"Өлетінімді сеземін. Мұның қандай боларын да білемін. Бұрын менің салмағым 180 келіден де көп тартатын. Артық салмақтан көз жұмған туыстарым да болды. Осының бәрінен қорқамын. Қазір тамақ жеуді азайттым, өйткені, қорқынышты.

Отбасымдағы адамдардың нендей қиындықтан өткенін көрдім. Бұл - менің ең үлкен қорқынышым. Әрине, бір күні бәріміз де өлеміз. Бірақ айнаға қарағанда бетімдегі кішкентай дақтарды көремін. Менің өмірім тез аяқталып келе жатыр дегім келеді", - деді Майко Тайсон

Майк Тайсон 56 жаста. Ол бокстан бөлек, біраз уақыт бойы есірткі мен алкогольге тәуелді болған.