Ауыр салмақта өнер көрсететін қазақстандық кәсіпқой боксшы Жан Кособуцкийдің келесі қарсыласы белгілі болды, деп хабарлайды Sports.kz.
Белгілі журналист Майк Коппингер мәліметінше, Жан Кособуцкий пен АҚШ өкілі Джаред Андерсон арасындағы жекпе-жек 1 шілдеде өтеді.
Кездесу Огайо штатының Толедо қаласында болады деп жоспарлануда.
23 жастағы Джаред Андерсон соңғы кездесуін 8 сәуір күні АҚШ-тың Ньюарк қаласында доминикалық Джордж Ариасқа қарсы өткізіп, мерзімінен бұрын жеңді. Айқаста WBC және WBO International белбеулері қойылған еді.
Ал Жан кәсіпқой бокста 19 мәрте жеңіске жеткен, оның 18-ін мерзімінен бұрын аяқтаған.
Отандық боксшы бұған дейінгі жекпе-жегін өткен жылы қарашада Германияның Оберхаузен қаласында өткізіп, жергілікті боксшы Хуссейн Мухамедті мерзімінен бұрын жеңген еді.
Мақаланың түпнұсқасы: https://kaz.nur.kz/sport/boxing/2018346-zan-kosobuckii-wbc-zane-wbo-tituldary-bar-bokssymen-zudyryqtasatyn-boldy/
