Бүгін, 3 мамырда Ташкентте өтіп жатқан Әлем чемпионатында бір отандық боксшы шаршы алаңға көтеріледі, деп хабарлайды KAZ.NUR.KZ тілшісі.
Астана уақытымен 15.00-де басталатын күндізгі сессияда Талғат Сырымбетов рингке көтерілмек.
60 келіге дейінгі салмақта сынға түсіп жатқан ол 1/16 финалда Иордания өкілі, қазіргі Азия чемпионы Мохамед Абу-Джаджехпен жұдырықтасады.
Қос боксшы арасындағы жекпе-жек Б рингінің төртінші кездесуі болады деп күтіліп отыр.
Қазақстандықтар аталған айқасты Qazsport арнасынан тікелей эфирде тамашалай алады.
Айта кетейік, Талғат Сырымбетов алғашқы айналымда таиландтық Сакда Руамтхамадан басым түсті.
Мақаланың түпнұсқасы: https://kaz.nur.kz/sport/boxing/2019122-alem-cempionaty-bugin-zarys-zolyna-kim-sygady/
