Кәсіпқой боксшы Абылайхан Құсайынов Ресейде өткен бокс кешінде шаршы алаңға шықты. Бұл туралы KAZ.NUR.KZ тілшісі Sports.kz-ке сілтеме жасап хабарлайды.
32 жастағы қазақстандық боксшы Мәскеу қаласындағы бокс кешінің негізгі кездесуінде рингке көтерілді.
Оның қарсыласы ресейлік Артур Субханкулов болды.
Он раундқа жоспарланған жекпе-жек соңына дейін жалғасып, төрешілердің шешімімен ресейлік былғары қолғап шебері ұтты.
Бұл - Абылайхан Құсайыновтың кәсіпқой мансабындағы алғашқы жеңілісі.
Айта кетейік, Америка құрама штаттарының Стоктон қаласында (Калифорния) өткен бокс кешінде Жәнібек Әлімханұлы канадалық Стивен Батлерді екінші раундта нокаутқа түсіріп, титулын екінші рет сәтті қорғады.
Мақаланың түпнұсқасы: https://kaz.nur.kz/sport/boxing/2023029-algasqy-zenilis-qazaq-balasy-maskeude-otken-boks-kesinde-reseilik-qarsylasyna-ese-ziberdi/
