Бокстан Қазақстанға танымал бапкер өгей қызын зорлады деген күдікке ілінді

Бокстан Қазақстанның еңбек сіңірген жаттықтырушысы зорлық жасады деген күдікке ілінді. Бұл туралы Қостанай облыстық полиция басқармасы мәлімдеді, деп хабарлайды "Астана" арнасы.

Елімізге танымал бокс бапкерінің үстінен 20 жастағы өгей қызы арыз қалдырған. Ол өткен жылдың 16 қарашасында шағымданыпты. Алайда көпшілікке бұл туралы енді белгілі болып отыр.

Аталған факт бойынша сотқа дейінгі тергеу басталды. Құқық қорғаушылар тергеуді "Зорлау" және "Бірнеше мәрте зорлау" бабы бойынша жүргізуде.

"Тергеу барысында бірнеше сот сараптамасы тағайындалды. Соның қорытындысы бойынша нақты процессуалды шешім қабылданады", - делінген Қостанай облыстық полиция басқармасының хабарламасында.

Мәтіннен қате тапсаңыз, бізге жазыңыз