Бокстан Астанада өтіп жатқан "Елорда кубогі" халықаралық турнирінде Махмұд Сабырхан жеңіліссіз келеді. Бұл туралы KAZ.NUR.KZ хабарлайды.
Олимпиадалық салмақ саналатын 57 келіге ауысқан Махмұд Сабырхан турнирдің екінші айналымында Моңғолия боксшысымен кездесті.
Жекпе-жек толықтай Махмұдтың бақылауымен өтті. Төрешілер 5:0 есебімен жеңісті қазақстандық боксшыға берген.
Айта кетелік, турнирдің бірінші айналымында Махмұд 57 келідегі үздік боксшылардың бірі Оразбек Асылқұловты 4:1 есебімен ұтқан болатын.
Махмұд Сабырхан 54 келіге дейінгі салмақта әлем чемпионы атанды. Бұл салмақ дәрежесі Олимпиада бағдарламасына енбегендіктен, боксшы 57 келіге ауысып, өз күшін сынауда.
"Елорда кубогінде" 57 келіге дейінгі салмақта чемпион атанған боксшы Париж Олимпиадасына лицензия беретін Жазғы Азия ойындарына қатысады.
Мақаланың түпнұсқасы: https://kaz.nur.kz/sport/boxing/2026837-elorda-kubogi-maxmud-sabyrxan-mongoliyalyq-bokssyny-bet-qaratpai-zendi-video/
