Астанада бокстан "Елорда кубогі" турнирінің үшінші жарыс күні басталды. Бүгін шаршы алаңға Бахрейн намысын қорғайтын Азат Махметов көтерілді, деп хабарлайды KAZ.NUR.KZ.
54 келіге дейінгі салмақта сынға түсетін Азат Махметов жастар арасындағы әлем чемпионы, өзбекстандық Шахзод Мұзафаровпен кездескен болатын.
Аталған жекпе-жекте Азат 5:0 есебімен жеңіп, келесі айналымға өтті.
Бұл салмақта Қазақстан атынан бақ сынайтын Тимур Қабдеш пен Дәулет Молдашев және Карим Серкебаевтар да келесі кезеңге жолдама алды.
Еске сала кетейік, Азат Махметов Қазақстан ұлттық құрамасының бұрынғы чемпионы. Ол 2022 жылы Бахрейнге ауысып, сол елдің намысын қорғауда.
Мақаланың түпнұсқасы: https://kaz.nur.kz/sport/boxing/2026839-baxrein-namysyn-qorgaityn-qazaq-balasy-ozbekstandyq-alem-cempionyn-aiqyn-utty/
