Махмұд Сабырханның еліміздегі басты қарсыласы Серік Теміржанов келесі кезеңге өтті

Астанада бокстан "Елорда кубогі" турнирі жалғасып жатыр. Бүгін әлемнің вице-чемпионы Серік Теміржанов кезекті жекпе-жегін өткізді, деп хабарлайды KAZ.NUR.KZ.

57 келіге дейінгі салмақта сынға түсетін Теміржанов турнирдің екінші айналымында тәжікстандық Искандербек Рустамовпен кездескен болатын.

Бұл жекпе-жек әлем чемпионатының жүлдегеріне айтарлықтай қиындық тудырған жоқ. Ол 5:0 есебімен жеңіп, келесі кезеңге өтті.

Айта кетелік, бұл салмақта Серік Теміржановтың басты қарсыласы Махмұд Сабырхан болмақ. 54 келідегі боксшы олимпиадалық салмаққа ауысқан болатын.

Серік Теміржанов Токио Олимпиадасының қатысушысы, 2021 жылғы әлем чемпионатының күміс жүлдегері саналады.

Мәтіннен қате тапсаңыз, бізге жазыңыз