Әлем біріншілігінде жеңіліп қалған Сәкен Бибосынов Астанадағы турнирді жеңіспен бастады (видео)
Жарияланған күні:
Бокстан Астанада өтіп жатқан "Елорда кубогі" халықаралық турнирінде Сәкен Бибосынов келесі айналымға жолдама алды. Бұл туралы KAZ.NUR.KZ хабарлайды.
51 келіге дейінгі салмақта сынға түскен Бибосынов үндістандық Зорам Муанамен кездесті.
Жекпе-жек қорытындысы бойынша төрешілер 5:0 есебімен жеңісті қазақстандық боксшыға берді.
Осылайша, 2021 жылғы әлем чемпионы Сәкен Бибосынов келесі айналымға өтті.
Айта кетелік, Бибосынов Ташкентте өткен әлем чемпионатындағы бірінші кездесуінде ұтылып, жүлдесіз қалған болатын.
Боксшы Токио Олимпиадасының қола жүлдегері, 2021 жылғы әлем чемпионы саналады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2026863-alem-birinsiliginde-zenilip-qalgan-saken-bibosynov-tagy-bir-undilik-bokssyny-utty-video/