Астанада бокстан "Елорда кубогі" турнирінің жартылай финалдық кездесулері өтіп жатыр. 57 келіге ауысқан Махмұд Сабырхан өзінің басты қарсыласын жеңді, деп хабарлайды KAZ.NUR.KZ.
Турнирдің жартылай финалында 2021 жылғы әлем чемпионатының күміс жүлдегері Серік Теміржанов пен 2023 жылғы әлем чемпионы Махмұд Сабырхан кездескен болатын.
54 келіден 57 келіге ауысқан Махмұд осы салмақтың басты жұлдызы Серікке еш айла қалдырған жоқ.
Ол жылдамдығының арқасында соққылары ауыр қарсыласынан айласын асырды. Есеп - 4:1, Сабырханның жеңісі.
Осылайша, Махмұд Сабырхан 57 келіде "Елорда кубогінің" финалына шықты. Ол ақтық сында қазақстандық Асылжан Серікбаймен кездеседі.
Еске сала кетейік, 57 келіде топ жарған боксшы Жазғы Азия ойындарына қатысып, Париж Олимпиадасының жолдамасына таласады.
Мақаланың түпнұсқасы: https://kaz.nur.kz/sport/boxing/2027144-zana-salmaqqa-auysqan-maxmud-sabyrxan-57-kelidegi-en-myqty-bokssyny-zenip-ketti/
