Астанадағы халықаралық жарыстың ең үздік боксшысы атанған кім

Кеше Астанада екінші рет ұйымдастырылған "Елорда кубогі" бәсекесі аяқталды. Жарыс соңында турнирдің үздік боксшылары анықталды, деп хабарлайды KAZ.NUR.KZ.

Ерлер арасында "Үздік боксшы" атағы Махмұд Сабырханға берілді. 57 келіге ауысқан Махмұд қарсылас шыдатпай, жаңа салмақта чемпион атанған еді.

Ол осы салмақтың көшбасшысы, әлемнің вице-чемпионы Серік Теміржановты да жеңіп кетті.

Қыздар арасында қытайлық Янг Ченгу (63 келі) үздік атанды.

"Үздік рефери" -атағы Ерлан Ғазизовке, "Үздік төреші" атағы Ғани Ысқақовқа берілді.

Сондай-ақ жарыс жеңімпаздары 700 доллар, күміс жүлдегерлер 400 доллар, қола жүлдегерлер 200 доллар сыйақы алды.

Мәтіннен қате тапсаңыз, бізге жазыңыз