"Мойындамаймыз": Халықаралық бокс қауымдастығынан тағы бір мемлекет шығып кетті

Халықаралық бокс қауымдастығының мүшелігінен тағы бір мемлекет бас тартты. Бұл туралы rsport.ru сайтына сілтеме жасаған KAZ.NUR.KZ хабарлайды.

Жаңа Зеландия бокс федерациясының президенті Халықаралық бокс қауымдастығының құрамынан шығатынын мәлімдеді. Осылайша, олар жаңадан құрылатын World Boxing ұйымының қатарына кірмекші.

Ақпан айының соңында Америка құрама штаттарының бокс федерациясы IBA құрамынан шығып, жаңа ұйымға мүшелікке өтетінін хабарлаған.

Содан соң Швейцария да ұйым қатарынан шықты. Аталған мемлекеттердің бұлай қарсылық танытуына Ресей мен Беларусь спортшыларының әлемдік жарыстарға өз туымен қатысуы себеп болған.

"Жаңа Зеландия бокс федерациясының мүшелері ІВА мүшелігінен шығу үшін дауыс берді. Біз аталған ұйымды халықаралық федерация ретінде мойындамаймыз", - деді федерация президенті Стив Хартли.

Мәтіннен қате тапсаңыз, бізге жазыңыз