Бокстан Қазақстан командасының аса ауыр салмақтағы мүшесі Қамшыбек Қоңқабаев Ташкенттегі жеңілісіне қатысты алғаш рет пікір білдірді. Бұл туралы Qazaq Ring подкастына сілтеме жасаған KAZ.NUR.KZ хабарлайды.
"Өзімді жақсы формада болдым деп есептеймін. Жақсы дайындықпен бардым. Екі жекпе-жек ұтып, үшінші кездесуде баяғы қарсыласым Бахадүрмен бокстастым.
Негізі ағайлармен келісіп, тактиканы өзгертемін деп ойладым. Ол үнемі маған қарай ұмтылады ғой. Сол кезде қарсы шабуылға көшемін деп жоспарлағам.
Рингте бәрі ойдағыдай бола бермейді. Ол маған мүлде ұмытылмады. Тәжірибелі боксшы ғой. Ойдағыдай болмады. Үшінші раундта тактиканы өзгертіп, алға қарай жүрдім. Тек оңғы кезеңде соққыларымды өткіздім.
Қарымта шабуыл жасаймын деген ойда болған соң, оны күтіп қалдым. Ал үшінші раундта баяғы өзімнің тактикаммен, алға жүрдім", - деді Қоңқабаев.
Айта кетелік, Ташкенттегі әлем чемпионатында Қамшыбек Қоңқабаев өзбекстандық Бахадүр Жалоловтан жеңілген болатын.
Екі спортшы бүгінге дейін сегіз рет кездесіп, оның басым бөлігінде өзбек боксшысы жеңіске жеткен.
Мақаланың түпнұсқасы: https://kaz.nur.kz/sport/boxing/2028475-kutip-qaldym-qamsybek-qonqabaev-taskentte-aigili-ozbek-qarsylasynan-nege-utylganyn-aitty/
