"Қолдана алмаймын": АҚШ-та тұратын Василий Жиров Қазақстан төлқұжатын не істеді

Әйгілі қазақстандық боксшы Василий Жиров Қазақстан төлқұжатын сақтап қойған. Бұл туралы fightnews.info сайтына сілтеме жасаған KAZ.NUR.KZ хабарлайды.

Кәсіби бокстан әлем чемпионы Василий Жиров ұзақ уақыттан бері АҚШ-та тұрады. Ол Қазақстан заңы рұқсат етпесе де, өз елінің төлқұжатын сақтап қойғанын айтты.

"Мен өзімді әлемнің адамы деп есептеймін. Қазақстандық төлқұжатым бар, бірақ қос азаматтыққа рұқсат болмағасын, оны қолдана алмаймын. Қазақстанда менің отбасым, анам, бауырларым мен қарындастарым қалды. Көптеген досым да бар. Өзімді толысқан адаммын деп есептеймін бе? Әлі мұнымен жұмыс істеудемін. Бұл біздің бүкіл өміріміздің жұмысы. Ал боксшы ретінде жетістіктерге жеттім", - деді Жиров.

Василий Жиров Қазақстан құрамасы сапында 1996 жылғы Атланта Олимпиадасының жеңімпазы атанған.

Мәтіннен қате тапсаңыз, бізге жазыңыз