Аса ауыр салмақтағы кәсіби боксшы Жан Кособуцкий жекпе-жекте ереже бұзғаны үшін жеңіліс тапты. Сондай-ақ ол әлемдік рейтингте төмендеген, деп жазады Sports.kz сайтына сілтеме жасаған KAZ.NUR.KZ.
Кособуцкий нигериялық Эфе Аджагбамен өткен кездесудің төртінші раундында рұқсат етілмеген соққыларды көп жұмсағаны үшін жеңіліс тапты.
Нақтылап айтар болсақ, қостанайлық боксшы белден төмен соққыларды жиі жұмсаған.
Бұл жеңілістен соң Кособуцкийдің әлемдік рейтингтегі жағдайы да нашарлап кетті. Ол 24-орыннан 29-сатыға сырғыған.
Айта кетелік, осы жекпе-жектен соң Жан WBC International тұжырымындағы чемпиондық атағынан айырылды.
Мақаланың түпнұсқасы: https://kaz.nur.kz/sport/boxing/2034169-belden-tomen-urgan-zan-kosobuckii-boks-erezesin-buzgany-usin-alemdik-reitingte-quldyrady/
