Серік Сәпиевтен жеңілген ресейлік боксшы сегізінші рет чемпион атанды
Жарияланған күні:
Боксшы Андрей Замковой 36 жасында Ресейдің сегіз дүркін чемпионы атанды. Бұл туралы Allboxing.ru сайты хабарлайды.
Замковой олимпиадалық салмақ саналатын 71 келіде бақ сынап, чемпион атанды.
Финалда ол өзінің жерлесі Иван Ступтинді жеңіп, Ресей чемпионатында рекорд орнатты. Ол ішкі біріншілікті сегіз рет жеңіп алған жалғыз боксшы.
Айта кетелік, Андрей Замковой Лондон Олимпиадасының жартылай финалында Серік Сәпиевтен жеңілген болатын.
Одан бөлек, боксшының еншісінде Токио Олимпиадасының қола, әлем чемпионатының алтын медалі бар.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2034170-serik-sapievten-zenilgen-reseilik-bokssy-segizinsi-ret-cempion-atandy/