Бокстан Қытайдың Ханчжоу қаласында жазғы Азия ойындары жалғасуда. Бүгін шаршы алаңға шыққан боксшы Ертуған Зейнуллинов келесі айналымға өтті, деп хабарлайды KAZ.NUR.KZ.
63,5 келіде сынға түсетін Ертуған 1/8 айналымда тәжікстандық боксшы Бахадур Осмоновпен қолғап түйістірген болатын.
Бахадур Ташкентте өткен әлем чемпионатының қола жүлдегері және 2019 жылғы Азия чемпионы саналады.
Екі боксшы арасындағы кездесу өте тартысты өтті. Жекпе-жек басталысымен екеуінің де қабағы жарылып, дәрігерлер екі спортшыға да бірнеше рет көмек көрсетті.
Сондай-ақ, екі боксшы да бір-бірден нокдаун алды.
Төрешілер тартысты кездесуде 3:2 есебімен жеңісті қазақ баласына берді.
Айта кетелік, бүгін шаршы алаңға шыққан Назым Қызайбай мен Сағындық Тоғамбай да келесі кезеңге өткен болатын.
Мақаланың түпнұсқасы: https://kaz.nur.kz/sport/boxing/2038440-aziya-oiyndary-bokssy-ertugan-zeinullinov-asa-tartysty-zekpe-zekte-zeniske-zetti/
