Айтжанов Шымбергенов жайлы: екі раундты бермеген соң, нокаутқа жібер дедім
Опубликовано:
Бокстан жазғы Азия ойындарында Қазақстан командасының капитаны Асланбек Шымбергенов өзбек қарсыласын нокаутпен жеңді. Бас бапкер Мырзағали Айтжанов аталған жекпе-жекке қатысты пікірін білдірді, деп хабарлайды KAZ.NUR.KZ.
Асланбек Шымбергенов 67 келіде әлем чемпионы атанған өзбекстандық Асаходжа Муйдинходжаевпен жұдырықтасқан болатын.
Кездесудің алғашқы екі раундында төрешілер жеңісті қарсыласқа берді. Содан соң шешуші раундта Асланбек қарсыласын үш рет нокдаунға жіберіп, мерзімінен бұрын жеңіске жетті.
Бокс ережесі бойынша бір раундта үш рет нокдаун алған боксшы нокаутпен жеңілді деп есептеледі.
"Алғашқы екі раундта Асланбек жеңіп тұрса да, төрешілер қарсыласқа беріп жіберді. Үшінші раунд басталарда оған: "Нокаутпен жеңіп шық", - дедім. Айтқаным айдай келді. Асланбек үш рет нокдаун беріп, қарсыласын нокаутқа жіберді. Барша жанкүйерлерге рахмет! Елде отырып, бізге жанкүйер болған халыққа рахмет", - деді бас бапкер Мырзағали Айтжанов.
Айта кетелік, Асланбек Шымбергенов 71 келі салмақта әлем және Азия чемпионы.
- Асланбек Шымбергенов өзбекстандық әлем чемпионын нокаутпен жеңді
- "Жеңілді деп айта алмаймыз": бас бапкер Махмұд Сабырханға қатысты пікір білдірді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2038915-aitzanov-symbergenov-zaily-eki-raundty-bermegen-son-nokautqa-ziber-dedim/