WBO әлем чемпионы Жәнібек Әлімханұлы отандасы Геннадий Головкинмен жекпе-жек өткізуге қатысты өз ойын айтты, деп жазады KAZ.NUR.KZ.
Қазақстандық боксшы ESNews Youtube каналына берген сұхбатында"GGG"-мен жұдырықтаспайтынын бірден кесіп айтты. Спортшы бұл шешімінің себебін де түсіндірді.
"Жоқ, онымен жекпе-жек өткізбеймін. Ол менің бауырым", - деді Әлімханұлы.
Сондай-ақ Жәнібек Головкиннің жақын арада мансабын аяқтауы мүмкін деген пікірмен келісті.
Жәнібек Әлімханұлы 14 қазанда АҚШ-та, Техас штатының Розенберг қаласында жекпе-жек өткізеді. Отандасымыз IBF әлем чемпионы германиялық Винченцо Гуальтьериге қарсы шығады.
Мақаланың түпнұсқасы: https://kaz.nur.kz/sport/boxing/2040171-zanibek-alimxanuly-golovkinge-qarsy-zekpe-zek-otkizuge-qatysty-pikir-bildirdi/
