Бокстан жастар және жасөспірімдер арасындағы Азия чемпионатында ел қоржыны күміс жүлдемен толысты, деп хабарлайды KAZ.NUR.KZ.
Астанада өтіп жатқан бокстан жастар және жасөспірімдер Азия чемпионатының жартылай финалдық кездесулері аяқталып, финалдық бәсекелер басталды.
Финалдық кездесулер тізбегін алғаш болып 48 келіде бақ сынаған боксшы қыз Биболсынқызы Сила Тайбэй өкілімен жұдырықтасып, қарсыласына есе жіберді. Төрешілердің басым көпшілігі тайбэйлік боксшыны жеңімпаз ретінде көрді.
Еске сала кетейік, 1/2 финал қорытындысы бойынша жеті бірдей жерлесіміз айтулы бәсекенің финалына жолдама алған еді.
Мақаланың түпнұсқасы: https://kaz.nur.kz/sport/boxing/2043763-aziya-cempionaty-qazaqstandyq-bokssy-qyz-kumis-zuldege-ie-boldy/