Майк Тайсон Өзбекстан астанасы Ташкентке келді

Әйгілі боксшы Майк Тайсон Өзбекстан астанасы Ташкентке келді, деп хабарлайды KAZ.NUR.KZ Bugun_sport порталының Instagram-дағы ресми парақшасына сілтеме жасап.

Өзбекстан астанасы Ташкент қаласында Бүкіләлемдік бокс кеңесі (WBC) өтуде. Бұл кеңес тек Өзбекстан үшін емес, барлық орталық Азия үшін ауқымды іс-шара.

61 рет ұйымдастырылып жатқан кеңеске WBC ұйымының президенті Маурисио Сүлейман, Өзбекстан бокс федерациясының басшылары мен танымал спортшылар қатысып жатыр.

Өзбекстанға Майк Тайсоннан бөлек Эвандер Холифилд, Хулио Сезар Чавес, Костя Цзю, Амир Хан, Александр Усик сияқты аңыз боксшылар қатысты.

Айта кетейік, 17 қарашада өзбекстандық кәсіби боксшы Баходир Джалолов оңтүстік африкалық Крис Томпсонға қарсы жұдырықтасады.