Қазақстандық боксшы WBC чемпионы атануға жақын

Бүгін, 17 қарашада Қазақстандық боксшы Мейірім Нұрсұлтанов кәсіби бокс мансабындағы кезекті жекпе-жегін өткізеді, деп хабарлайды KAZ.NUR.KZ тілшісі.

17 қараша Өзбекстан астанасы Ташкентте қазақстандық боксшы Мейірім Нұрсұлтанов (19-0-0 11 КО) Чили елінің былғары қолғап шебері Хулио Аламаспен (16-1-0) жұдырықтасады.

Бұл кездесуде жеңіске жеткен боксшы орта салмақтағы WBC чемпионына міндетті қарсылас болады.

Айта кетейік, боксшылар кездесуге бір тәулік қалғанда салмақ өлшеу рәсімінен өткен еді. Мейірім Нұрсұлтановтың салмағы 72,5 келі болса, Хулио Аламас 72,3 келі болды. 12 раундқа жоспарланған кездесу Ташкенттегі "Хумо Арена" спорт кешенінде өтеді.