Қазақстандық танымал боксшы Мейірім Нұрсұлтанов (19-0, 11 КО) Ташкентте (Өзбекстан) өткен кәсіпқой бокс кешінде чилилік боксшы Хулио Аламоспен (16-1, 9 КО) жұдырықтасты. Тартысты жекпе-жек отандасымыздың жеңісімен аяқталды, деп хабарлайды BasSport.kz.
Мейірім Нұрсұлтанов кәсіпқой бокстағы 20-жеңісіне қол жеткізді. Қазақстандық боксшы бұл жолы чилилік Хулио Аламосты жеңіп кетті.
"Хумо Аренада" өткен жекпе-жек 12 раундқа жоспарланған болатын. Кездесу белгіленген уақытқа дейін жалғасып, соңында Мейірім Нұрсұлтанов төрешілердің шешімімен жеңіске жетті.
Осылайша отандасымыз WBC чемпионының міндетті қарсыласы атанды.
Айта кетейік, бұған дейін Мейірім Нұрсұлтанов WBO нұсқасы бойынша "Жылдың үздік боксшысы" атағын жеңіп алғанын хабарлаған едік. Марапаттау рәсімі Доминикан Республикасында өткен конференцияда болды.
Мақаланың түпнұсқасы: https://kaz.nur.kz/sport/boxing/2046425-meiirim-nursultanov-taskentte-otken-zekpe-zeginde-zeniske-zetti/
