Боксшы Жанқош Тұраровтың келесі қарсыласы белгілі болды

Қазақстандық боксшы Жанқош Тұраровтың келесі жекпе-жегіндегі қарсыласының есімі белгілі болды, деп хабарлайды KAZ.NUR.KZ Жанқоштың Instagram-дағы ресми парақшасына сілтеме жасап.

Отандасымыз Жанқош Тұраров (27-0, 20КО) IBO нұсқасы бойынша Әлем чемпионы атағын жапониялық боксшы Акихиро Кондоға (37-11-2, 21КО) қарсы жекпе-жекте қорғайды.

"10 желтоқсан, Балуан Шолақ, мені және қазақ боксшыларын қолдайтындар қайда? Келесіздер ме?", – деді Жанқош Тұраров.

Посмотреть эту публикацию в Instagram

Публикация от Instagram

Сонымен қатар бұл жекпе-жекте WBO Gold World белбеуі де сарапқа салынады. Айта кетейік, кездесу 10 желтоқсан күні Алматы қаласындағы "Балуан Шолақ" спорт кешенінде өтеді.

Еске салайық, Жанқош Тұраров рингке соңғы рет 2023 жылдың наурыз айында шыққан. Сол бокс кешінде мексикалық Алехандро Менесесті (16-5, 9КО) мерзімінен бұрын ұтып, IBO белбеуін жеңіп алған еді.

Мәтіннен қате тапсаңыз, бізге жазыңыз