Этникалық қазақ Руслан Абдуллаев бокстан Өзбекстан чемпионы атанды. Бұл туралы KAZ.NUR.KZ Өзбекстан бокс федерациясының ресми сайтына сілтеме жасап хабарлайды.
28 қараша Ташкенттегі "Универсал" спорт кешенінде бокстан Өзбекстан чемпионатының финалдық кездесулері өтті. Аталмыш жарыс Өзбекстан бокс федерациясының ұйымдастыруымен жүзеге асуда. Былғары қолғап шеберлері арасында этникалық қазақтар да бар.
63,5 келі салмақ дәрежесінде жұдырықтасқан қазақ боксшы Руслан Абдуллаев финалда өзбекстандық Мужиболло Турсуновты жеңіп, Өзбекстан чемпионы атанды.
Ал 92 келі салмақ дәрежесінде өнер көрсеткен тағы бір қазақ боксшы Мадияр Саидрахимов финалда қарсыласына есе жіберіп, күміс медаль иеленді.
Айта кетейік, бокстан Өзбекстан чемпионатына Қарақалпақстаннан және Өзбекстанның барлық аймағынан жиналған боксшылар қатысуда.
Мақаланың түпнұсқасы: https://kaz.nur.kz/sport/boxing/2048140-etnikalyq-qazaq-bokstan-ozbekstan-cempionatynda-zenimpaz-atandy/
