Геннадий Головкиннің жекпе-жегі бокс тарихында қалды

Қазақстандық боксшы Геннадий Головкиннің мексикалық Сауль Альвареске қарсы жекпе-жегі бокс тарихында қалды. Бұл туралы KAZ.NUR.KZ Thesportster басылымының ресми сайтына сілтеме жасап хабарлайды.

Головкин мен Канело арасындағы үшінші кездесу бокс тарихында қалды. Сол жұдырықтасуда жеңіске жеткен Сауль бір жекпе-жекте ең көп гонорар алған боксшылардың рейтингіне енді. 2022 жылы өткен жекпе-жекте Головкиннің мексикалық қарсыласы Сауль Канело Альварес 45 миллион доллар иеленген екен.

"Канелоның Головкинге қарсы үшінші жекпе-жегі ел күткендей болмады. Бұл кездесу Биволға жеңілгеннен кейін болды. Сондықтан үшінші кездесу Сауль үшін қиын болмады. Канело сол бокс кешінде егде жастағы Головкинді төрешілердің бірауыз шешімімен жеңген еді", – деп жазылды Thesportster басылымындағы мақалада.

Бокс тарихында ең жоғары гонорар алған топ-10 спортшы:

1. Флойд Мэйвезер (Конор Макрегорға қарсы) — $280 миллион;
2. Флойд Мэйвезер (Мэнни Пакьяоға қарсы) — $250 миллион;
3. Мэнни Пакьяо (Флойд Мэйвезерге қарсы) — $150 миллион;
4. Конор Макгрегор (Флойд Мэйвезерге қарсы) — $130 миллион;
5. Флойд Мэйвезер (Сауль Альвареске қарсы) — $80 миллион;
6. Оскар де ла Хойя (Флойд Мэйвезерге қарсы) — $52 миллион;
7. Тайсон Фьюри (Фрэнсис Нганнуға қарсы) — $50 миллион;
8. Сауль Альварес (Головкинге қарсы үшінші кездесу) — $45 миллион;
9. Эвандер Холифилд (Майк Тайсонға қарсы) — $35 миллион;
10. Майк Тайсон (Эвандер Холифилдқа қарсы) — $30 миллион.

Мәтіннен қате тапсаңыз, бізге жазыңыз