Қазақстандық боксшы Балауса Мұздиман қарсыласын техникалық нокаутпен жеңді (видео)

Бүгін, 10 желтоқсан күні қазақстандық боксшы және Parimatch компаниясының бренд-амбассадоры Балауса Мұздиман египеттік Мариям Гебермен жұдырықтасты. Отандасымыз үшінші раундта жеңіске жетті, деп хабарлайды KAZ.NUR.KZ тілшісі.

Бүгін Алматыда Жанқош Тұраров (27-0 20 КО) пен жапон спортшысы Акихиро Кондо (37-11) бастаған бокс кеші өтті. Кардтың екінші негізгі кездесуінде қазақстандық спортшы Балауса Мұздиман (2-0) мен Египет өкілі Мариям Гебер (3-0) жұдырықтасты.

Отандасымыз Балауса Мұздиман қарсыласы Мариям Геберді үшінші раундта техникалық нокаутпен жеңді.

Айта кетейік, күні кеше Балауса Мұздиман қарсыласының оңай олжа еместігін мәлім еткен болатын.

"Қарсыласым – Мариям Гебер. Кәсіпқой бокстағы рекорды 3-0 және 2 нокауты бар. Сонымен қатар бокстан Египет пен Африка чемпионы. Мен үшін оңай қарсылас болмайды.

Бірақ біз осы жекпе-жекке толық дайындық үшін ауыр лагерь өткіздік. Одан бөлек Лас-Вегаста бір айға жуық уақыт спарринг жасадық. Американық ең үздік бокс залдарының бірі Top Rank пен Флойд Мейвезердің залында оқу-жаттығу жұмыстарын өткіздік. Ертең қазақ халқына және жанкүйерлеріме керемет, әсерлі жеңіс сыйлаймын", – деген болатын Балауса Мұздиман.

Мәтіннен қате тапсаңыз, бізге жазыңыз