Ертең, 23 желтоқсанда Сауд Арабияда өтетін бокс кешінің қатысушылары жекпе-жек алдындағы көз түйістіру рәсімін өткізді. Бұл туралы KAZ.NUR.KZ тілшісі хабарлайды.
Эр-Риядта өтетін бокс кешінің басты жекпе-жегінде ауыр салмақта өнер көрсететін ағылшын боксшысы Энтони Джошуа мен швед спортшысы Отто Валлин жұдырықтасады.
2023 жылдың соңғы бокс кештерінің бірінде екінші негізгі жекпе-жек саналатын кездесуде америкалық Деонтей Уайлдер мен жаңазеландиялық Джозеф Паркер жұдырықтасады. Бұл кездесу де ауыр салмақ дәрежесінде өтеді.
Сонымен қатар Эр-Риядтағы бокс кешінің үшінші негізгі жекпе-жегінде ресейлік Дмитрий Бивол мен ағылшын Линдон Артур жұдырық түйістіреді. Жеңіске жеткен спортшы WBA (Super) және IBO титулын жеңіп алады.
Мақаланың түпнұсқасы: https://kaz.nur.kz/sport/boxing/2052175-dzosua-uailder-zane-bivol-zekpe-zek-aldyndagy-koz-tuiistiru-rasimin-otkizdi-video/
