Мажарстанның Дебрецен қаласында өтіп жатқан бокстан Иштван Бочкай атындағы халықаралық турнирдің бірінші күні аяқталды. Бұл туралы KAZ.NUR.KZ Ұлттық Олимпиада комитетінің ресми сайтына сілтеме жасап хабарлайды.
Турнирдің алғашқы күнінде төрт қазақстандық боксшы шаршы алаңға шығып, оның үшеуі келесі айналымға өтті.
Бейбарыс Жексен (60 келі) моңғолиялық қарсыласынан басым түсті. Ертуған Зейнуллинов (63,5 келі) пен Сабыржан Аққалықов (71 келі) Мажарстан боксшыларын жеңді. Ал Диас Молжігітов (75 келі) жеңіліске ұшырап, жарысты аяқтады.
Айта кетейік, Иштван Бочкай мемориалы 15-21 қаңтар аралығында өтеді. Бұл жарысқа Қазақстаннан 14 боксшы барды. Олар: Асхат Жүсіпов, Даниял Сәбит, Кенже Мұратұлы, Самат Жетібаев, Асылжан Серікбай, Жексен Бейбарыс, Ертуған Зейнуллинов, Рахат Сейітжан, Сабыржан Аққалықов, Диас Молжігітов, Ерасыл Жакпеков, Темірлан Мұқатаев, Данияр Рахымбердиев, Дамир Тойбай.
Мақаланың түпнұсқасы: https://kaz.nur.kz/sport/boxing/2055982-bokstan-istvan-bockai-turniri-qazaqstandyq-bokssylardyn-birinsi-zarys-kunindegi-natizeleri-qandai/
