Санжар Тәшкенбай "Странджа" турнирінің күміс жүлдегері атанды

Қазақстандық боксшы Санжар Тәшкенбай Болгарияда өтіп жатқан "Странджа" турнирінде күміс медаль еншіледі. Бұл туралы KAZ.NUR.KZ тілшісі хабарлайды.

51 келі салмақта сынға түсетін Санжар Тәшкенбай финалда Үндістан өкілі Амит Пангалмен жұдырықтасты. Жекпе-жек 5:0 есебімен үндістандық боксшының пайдасына шешілді.

Айта кетейік, Санжар Тәшкенбай жартылай финалда Өзбекстан өкілі Асылбек Жалиловты 3:2 есебімен жеңіп, финалға жолдама алған еді.

"Кіші әлем чемпионаты" саналатын "Странджа" кубогына қазақстандық 10 боксшы барды. Олар: Санжар Тәшкенбай (51 келі), Дәулет Молдашев (54 келі), Оразбек Асылқұлов (57 келі), Руслан Күзеубаев (60 келі), Ерасыл Таңқай (63,5 келі), Дулат Бекбауов (67 келі), Талғат Шәйкен (71 келі), Нұрқанат Райыс (75 келі), Тұрсынбай Құлахмет (80 келі), Абзал Құттыбеков (86 келі).

Өткен жылы "Cтранджа" кубогінде Қазақстан құрамасы 2 жүлде еншілеген болатын. Оразбек Асылқұлов (57 келі) күміс медаль жеңіп алса, Нұрқанат Райыс (75 келі) қола жүлде иеленді.

Мәтіннен қате тапсаңыз, бізге жазыңыз