Шымкент қалалық бокс федерациясына жаңа басшы тағайындалды. Бұл туралы KAZ.NUR.KZ тілшісі хабарлайды.
Шымкент қаласының дене шынықтыру және спорт басқармасының баспасөз қызметінің мәлімдеуінше, қалалық бокс федерациясының президенті қызметіне Әшірбаев Батырбек Мырзагелдіұлы тағайындалды. Осыған дейін бұл қызметті Бахадыр Нарымбетов атқарған еді.
Батырбек Мырзакелдіұлы – Шымкент қаласының тумасы. Ол – "Болашақ" стипендиясының иегері, Pennsylvania State Университетінің түлегі.
Еңбек жолын 2015 жылы "Оңтүстік" әлеуметтік-кәсіпкерлік корпорациясы акционерлік қоғамында бастаған. 2016-2023 жылдары құрылыс саласында лауазымды қызметтер атқарған.
Қазіргі таңда құрылыс саласында жеке кәсіпкер. Сондай-ақ ол – "Ордабасы" футбол клубының қолдаушысы, әрі демеушісі.
Еске салайық, Кеңес Рақышевтың орнына Қазақстан бокс федерациясына жаңа басшы сайланған еді.
Мақаланың түпнұсқасы: https://kaz.nur.kz/sport/boxing/2061679-ordabasy-futbol-klubynyn-qoldausysy-symkent-boks-federaciyasynyn-bassysy-bolyp-tagaiyndaldy/
