Қазақстандық спортшы 2024 жылғы Олимпиадаға лицензия үшін турнирдегі алғашқы жекпе-жегінде жеңді

Бокстан Қазақстан ұлттық құрамасының спортшысы Наталья Богданова Италияның Бусто-Арсицио қаласында өтіп жатқан лицензиялық турнирдің келесі кезеңіне өтті, деп хабарлайды KAZ.NUR.KZ.

Богданова 66 келіге дейінгі салмақта Қазақстан құрамасының намысын қорғайды. Бокстан өткен жарыстарда спортшымыз Аргентина әйелдер құрамасының өкілі Лорена Бальбуэнаға қарсы шығып, 4:1 есебімен жеңіске жетті.

Жазғы Азия ойындарының қола жүлдегерінің келесі жекпе-жегі ертең болады.

Еске салайық, бокстан Қазақстан әйелдер құрамасының екі өкілі – Жайна Шекербекова мен Римма Волосенко жеңілген болатын.

Сондай-ақ Қазақстан бокс федерациясының басшысы Волосенкоға қатысты төрешінің шешіміне қанағаттанбағанын айтып, ресми мәлімдеме жасағанын жазған едік.