Қазақстандық боксшылардың WBA рейтингіндегі орны белгілі болды

Дүниежүзілік бокс қауымдастығы (WBA) былғары қолғап шеберлерінің барлық салмақ дәрежесі бойынша жаңартылған рейтингін жариялады. Бұл туралы KAZ.NUR.KZ WBA-ның ресми сайтына сілтеме жасап хабарлайды.

Екінші жартылай жеңіл салмақ дәрежесінде жұдырықтасатын қазақстандық кәсіпқой боксшы Сұлтан Зәуірбек рейтингте бір орын жоғалтып, төртінші орыннан 5-орынға түсті.

Жеңіл салмақтағы қазақстандық боксшы Евгений Павлов бес сатыға төмендеп, үздік ондықтан шығып қалды. Қазіргі уақытта боксшы 14-орында тұр.

Жаңартылған рейтингте тағы екі қазақстандық боксшы позициясын жоғалтты. Бірінші жартылай орта салмақ дәрежесінде сынға түсетін Жанқош Тұраров бір саты төмендеп, 7-орынға табан тіреді. Ал бұрынғы рейтингте 11-орында болған Батыр Жүкембаев қазір 12-орынға жайғасты.

Ауыр салмақтағы Иван Дычко 15-орында, ал Бек Нұрмағанбет екінші орта санатта 10-орында қалды.

Еске салайық, бокстан Қазақстан құрамасының капитаны әуесқой боксшылар арасындағы әлемдік рейтингте көш бастады.

Мәтіннен қате тапсаңыз, бізге жазыңыз