Өзбекстаннан көшіп келген боксшы Қазақстан құрамасы сапындағы алғашқы жекпе-жегін өткізеді

Өзбекстаннан көшіп келген боксшы Аман Қонысбеков Қазақстан құрамасы сапында "Елорда кубогына" қатыспақ. Бұл туралы KAZ.NUR.KZ тілшісі хабарлайды.

Бүгін, 13 мамырда Астанада бокстан ересектер арасында "Елорда кубогы" халықаралық турнирі басталады. Бұл жарысқа биыл Өзбекстаннан көшіп келген қазақ боксшысы Аман Қонысбеков те қатыспақ. 71 кг салмақта бақ сынайтын Қонысбековтің алғашқы қарсыласы Азат Иманберлі болады.

Сондай-ақ "Елорда кубогының" алғашқы жарыс күнінде Қазақстан құрамасы сапынан Махмұд Сабырхан, Серік Теміржанов, Қамшыбек Қоңқабаев, Асланбек Шымбергенов және тағы басқа да боксшылар рингке шығады.

Ұлттық Олимпиада комитетінің мәліметінше, жарысқа Өзбекстан, Моңғолия, Иран, Үндістан, Жапония, Марокко, Әзербайжан, Тәжікстан, Корея, Қырғызстан және Қытай командалары келді. Турнирдің жүлдегерлеріне ақшалай сыйақы қарастырылған. Әр салмақ дәрежесінде бірінші орынға 700 АҚШ доллары, екінші орынға 400 АҚШ доллары, үшінші орынға 200 АҚШ доллары беріледі.

Мәтіннен қате тапсаңыз, бізге жазыңыз