Top.Mail.Ru
Спорт

Сайт нұсқасы

ru kz

Зектілері

Өзбекстаннан қоныс аударған қазақ боксшысы халықаралық турнирді жеңіспен бастады

Опубликовано:

Аман Қонысбеков
Аман Қонысбеков. Фото: instagram.com/amankonsbekov

Өзбекстанда туып-өсіп, кейін Қазақстанға көшіп келген қазақ боксшысы Аман Қонысбеков Астанада өтіп жатқан "Елорда кубогі" халықаралық турнирін жеңіспен бастады. Бұл туралы KAZ.NUR.KZ тілшісі хабарлайды.

71 кг салмақта бақ сынап жатқан Аман Қонысбеков турнирдегі алғашқы жекпе-жегін тағы бір қазақстандық боксшы Азат Иманберліге қарсы өткізді. Үш раундқа созылған бәсекеде Қонысбеков айқын басымдықпен жеңіске жетті. Енді Аман келесі кезеңде Жапония өкілі Хиранака Нобухиромен жұдырықтасады.

Аман Қонысбеков – бокстан 2023 жылғы Өзбекстан чемпионатының қола жүлдегері. Ол биыл Қазақстанға көшіп келген еді. Қазір боксшы Түркістан облысының намысын қорғап жүр.

Айта кетейік, "Елорда кубогі" 18 мамырға дейін жалғасады. Турнирге 60-қа жуық қазақстандық боксшы қатыспақ. Сондай-ақ Өзбекстан, Моңғолия, Иран, Үндістан, Жапония, Марокко, Әзербайжан, Тәжікстан, Корея, Қырғызстан және Қытай боксшылары да бақ сынайды.

Жарыстың жүлдегерлеріне ақшалай сыйақы қарастырылған. Әр салмақ дәрежесінде бірінші орынға 700 АҚШ доллары, екінші орынға 400 АҚШ доллары, үшінші орынға 200 АҚШ доллары беріледі.

Мақаланың түпнұсқасы: https://kaz.nur.kz/sport/boxing/2099585-ozbekstannan-qonys-audargan-qazaq-boksshysy-halyqaralyq-turnirdi-zhengispen-bastady/

pixel