Сәкен Бибосынов елордада өтіп жатқан халықаралық турнирдің алтын жүлдесіне таласады

Қазақстандық боксшы Сәкен Бибосынов Астанада өтіп жатқан "Елорда кубогы" халықаралық турнирінің финалына шықты. Бұл туралы KAZ.NUR.KZ тілшісі хабарлайды.

51 кг салмақ дәрежесіндегі Сәкен Бибосынов жартылай финалда жапониялық боксшы Соуши Макиномен қолғап түйістірді. Үш раундқа созылған жекпе-жекте Бибосынов төрешілердің бірыңғай шешімімен жеңіске жетті.

Енді финалда Сәкен отандасы Дамир Әбдіқадырмен жарыстың алтын медалін сарапқа салады. Ақтық сын ертең, 18 мамырда өтеді.

26 жастағы Бибосынов – 2021 жылғы әлем чемпионы және Токиодағы 2020 жылғы Олимпиада ойындарының қола жүлдегері. Ол наурызда Италияда өткен лицензиялық турнирде Париж Олимпиадасының жолдамасын жеңіп алған болатын.

Еске салайық, жақында Туризм және спорт министрі Ермек Маржықпаев Сәкен Бибосыновқа лейтенант шенін табыстаған еді.

Мәтіннен қате тапсаңыз, бізге жазыңыз