Жәнібек Әлімханұлы қос бірдей чемпиондық атағын қорғау үшін Лас-Вегасқа келді
Опубликовано:
IBF және WBO тұжырымдары бойынша орта салмақтағы әлем чемпионы Жәнібек Әлімханұлы келесі жекпе-жегін өткізу үшін Лас-Вегасқа келді. Бұл туралы KAZ.NUR.KZ тілшісі хабарлайды.
Қазақстандық боксшының командасы Instagram желісіндегі парақшасында Жәнібек Әлімханұлының Лас-Вегасқа келгенін хабарлады. Желіде жарияланған бейнеде:
"Лас-Вегасқа аман-есен жетіп алдық", - делінген.
14 шілдеде таңертең Лас-Вегаста (Невада) Жәнібек Әлімханұлы өз атақтарын жаңазеландиялық боксшы Андрей Михайловичке қарсы кездесуде қорғайды.
Айта кетейік, 2023 жылдың қазан айында өткен соңғы жекпе-жегінде Жәнібек Әлімханұлы неміс боксшысы Винченцо Гуальтиериді нокаутқа жіберген болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2132241-zhanibek-alimhanuly-qos-birdei-chempiondyq-atagyn-qorgau-ushin-las-vegasqa-keldi-video/