Олимпиада-2024: қазақстандық боксшылардың қарсыластары анықталды

Олимпиаданың ресми ашылу салтанатына бір күн қалғанда Париж төрінде өнер көрсететін боксшылардың жеребесі тартылды. Бұл туралы KAZ.NUR.KZ Қазақстан бокс федерациясының Instagram желісіндегі ресми арнасына сілтеме жасап хабарлайды.

Бүгін, 25 шілдеде Париж төрінде өнер көрсететін боксшылардың жеребесі тартылды. Қазақстандық спортшылардың қарсыластары да белгілі болды.

Ерлер командасының алғашқы жекпе-жектері:

• 51 кг. Самет Гюмюш – Сәкен Бибосынов;
• 57 кг. Сабырхан Махмұд – Хосе Кильес;
• 63,5 кг. Мұхаммедсабыр Базарбайұлы – Ибаррече Конде;
• 71 кг. Асланбек Шымбергенов – Зейяд Ишаиш;
• 80 кг. Нұрбек Оралбай – Каллум Питерс;
• 92 кг. Адам Олаоре – Айбек Оралбай;
• 92+ кг. Қамшыбек Қоңқабаев – Аюб Дрисси.

Бұрымды боксшыларымыздың да алғашқы қарсыластары анықталды:

• 50 кг. Джордана Соррентино – Назым Қызайбай;
• 57 кг. Карина Ибрагимова – Лозада Мотта;
• 75 кг. Билон Атейна – Валентина Хальзова.

Айта кетейік, бокс бәсекесінің алғашқы жекпе-жектері 27 шілде басталады. Жарыстың бірінші күнінде Мұхаммедсабыр Базарбайұлы испаниялық қарсыласымен жұдырық түйістіреді.

Бүгін, 25 шілдеде Қазақстан құрамасы Париждегі Олимпиада ойындарын бастады. Бірінші болып садақшылар жарыс жолына шықты. Қазақстан құрамасы сапынан Ильфат Абдуллин, Дәулеткелді Жаңбырбай және Александр Еременко сынға түсті.

Мәтіннен қате тапсаңыз, бізге жазыңыз