"Данияр, мен сені нокаутқа түсіремін": қазақстандық боксшының қарсыласы тосын мәлімдеме жасады

Кәсіпқой боксшы Данияр Елеусіновтің (11-0, 6 КО) қарсыласы филлипиндік Джо Нойнай (23-4-2, 11 КО) қазақстандық былғары қолғап шеберіне қарсы үндеу жасады. Бұл туралы KAZ.NUR.KZ тілшісі хабарлайды.

28 қыркүйек Алматыда All Stars Boxing кешінде қазақстандық боксшы Данияр Елеусінов пен филиппиндік Джо Нойнай арасында титулдық жекпе-жек өтеді.

Кездесуге дайындалып жатқан Джо Нойнай Алматыдағы айқас алдында Данияр Елеусіновке үндеу жасады.

"Данияр, мен сені нокаутқа түсіру үшін Маниладан ұшып келемін", - деп мәлімдеді боксшы.

Данияр Елеусінов соңғы рет 2023 жылдың 15 желтоқсанында Астанада өткен "ІВА Чемпиондар түні" турнирінде рингке шыққан болатын. Бұл кездесуде Оңтүстік Африка боксшысы Джабулани Макхенсені (14-2, 7 КО) төрешілердің бірыңғай шешімімен жеңген еді.

Айта кетейік, Данияр Елеусінов 2016 жылы Риода өткен Олимпиада ойындарының жеңімпазы атанған.

Мәтіннен қате тапсаңыз, бізге жазыңыз