"Олар жекпе-жек күнін айтты": Жәнібек Әлімханұлы алдағы кездесуі туралы пікір білдірді

WBO және IBF нұсқалары бойынша орта салмақтағы әлем чемпионы Жәнібек Әлімханұлы Х желісіндегі ресми парақшасында келесі жекпе-жегі туралы жазба қалдырды. Бұл туралы KAZ.NUR.KZ тілшісі хабарлайды.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Жәнібек Әлімханұлы Х желісіндегі парақшасында алдағы жекпе-жегінің күні белгіленгенін хабарлады.
• Боксшы қарсыласы мен жекпе-жек туралы толық ақпарат бермеді.
• Әлімханұлының соңғы жекпе-жегі 2023 жылдың 14 қазанында өтіп, Винченцо Гуальтьериді жеңіп, IBF титулын иеленген.

Қазақстандық боксшы Жәнібек Әлімханұлы (15-0, 10 КО) Х желісіндегі ресми парақшасында алдағы жекпе-жегі туралы пікір білдірген болатын.

"Олар жекпе-жек күнін айтты", - деп жазды Жәнібек Әлімханұлы X желісіндегі парақшасында.

Алайда қазақстандық боксшы келесі қарсыласы мен жекпе-жек туралы егжей-тегжейлі мәлімет бермеді.

Айта кетейік, Жәнібек Әлімханұлы 14 шілдеде Лас-Вегаста (АҚШ) жаңазеландиялық Андрей Михайловичке қарсы жекпе-жек өткізуі керек еді. Алайда қазақстандық боксшы салмақ қуу кезінде есінен танып, ауруханаға түскен болатын.

Жәнібек Әлімханұлы рингке 2023 жылдың 14 қазанында АҚШ-та өткен кездесуде шыққан болатын. Сол кездесуде Жәнібек Әлімханұлы германиялық боксшы Винченцо Гуальтьериді (22-1-1, 7 КО) алтыншы раундта нокаутпен жеңіп, IBF титулын иеленді.