Әйелдер боксынан Қарағандыда өткен "Мықтылар турнирінің" үздіктері белгілі болды. Бұл туралы KAZ.NUR.KZ Olympic.kz сайтына сілтеме жасап хабарлайды.
22-28 қыркүйек аралығында Қарағандыда өткен "Мықтылар турнирі" додасында "Ең үздік боксшысы" атағы әлем чемпионатының күміс жүлдегері, Азия чемпионы Алуа Балқыбековаға бұйырды.
Жас боксшы Ангелина Витова "Жеңіске деген жігері үшін" аталымын еншіледі.
"Үздік бапкер" сыйлығы Долкунжан Камековке табысталса, "Үздік төреші" атағын Данара Ахметова жеңіп алды. Долкунжан Камеков – Париж Олимпиадасының қола жүлдегері атанған боксшы Назым Қызайбайдың жеке бапкері. Ал қазіргі уақытта бокстан Қазақстанның әйелдер құрамасынының бас бапкері қызметін Елдос Сайдалин атқарады.
Айта кетейік, "Мықтылар турнирінің" қорытындысы бойынша жаңа маусымдағы Қазақстан құрамы жасақталады.
Мақаланың түпнұсқасы: https://kaz.nur.kz/sport/boxing/2167686-nazym-qyzaibaidyng-bapkeri-top-zhardy-myqtylar-turnirining-uzdikteri-anyqtaldy/
