Геннадий Головкиннің жеке бапкерлерінің бірі, америкалық бапкер Кристофер Камачо енді Қазақстан құрамасын жаттықтырады. Бұл туралы Қазақстанның Ұлттық Олимпиадалық Комитеті Instagram-дағы ресми парақшасында мәлімдеді.
Бокстан ерлер арасындағы Қазақстан командасы Аммандағы (Иордания) Азия чемпионатына дайындықты бастады. Біріншілік 30 қараша мен 12 желтоқсан аралығында өтеді.
"Оқу-жаттығу жиынына ҰОК президенті Геннадий Головкиннің шақыртуымен физикалық дайындықтан америкалық бапкер Кристофер Камачо тартылған.
Маман Қазақстан құрамасының бапкерлік штабына көмектесіп, боксшыларды құрлықтық біріншілікке дайындайды", - делінген хабарламада.
Айта кету керек, Кристофер Камачо көптеген жыл бойы кәсіби рингтегі түрлі жекпе-жегі алдында Геннадий Головкиннің жаттығу лагерьлеріне қатысқан.
Сонымен бірге ол танымал ММА спортшылары Хабиб Нурмагомедов, Дэниал Кормье, Кейн Веласкес, Люк Рокхолдпен жұмыс істеген.
Мақаланың түпнұсқасы: https://kaz.nur.kz/sport/boxing/2176239-gennadii-golovkinning-zheke-bapkerlerining-biri-endi-qazaqstan-quramasyn-zhattyqtyrady/
