Кәсіпқой боксқа ауысқан тағы бір қазақ боксшысы ұлттық құрамаға оралды

Кәсіпқой боксшы Әбілхан Аманқұл (4-0-1, 4 KO) бокстан Қазақстан ұлттық құрамасы сапына оралды. Бұл туралы KAZ.NUR.KZ Қазақстан бокс федерациясының Instagram желісіндегі ресми парақшасына сілтеме жасап хабарлайды.

Қазақстандық спортшы Әбілхан ұзақ уақыттан бері жекпе-жекке шықпағанын айтты. Енді бағын әуесқой бокста қайта сынап көрмек.

"Кәсіпқой бокста болдым. Бірақ ол жақта бір жарым жылдай жекпе-жек болмады. Жаттығу жасап жүрдім. Соңғы екі ай демалып, енді міне, ұлттық құрамамен бірге жаттығып жатырмын. Қазақстан чемпионатынан бастасам деген ойым бар", - деді боксшы.

Айта кетейік, 27 жастағы Аманқұл әлем чемпионатының және Азия ойындарының күміс жүлдегері, Азия чемпионатының қола жүлдегері. Әбілхан 2022 жылдан 2023 жылдың қыркүйегіне дейін кәсіпқой бокстан 5 жекпе-жек өткізіп, төртеуін жеңді (бәрін нокаутпен), біреуінде тең ойнады.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз