"Сен қорқып жүрсің": Жәнібек Әлімханұлы WBC чемпионын келемеждеді

WBO және IBF тұжырымдары бойынша орта салмақтағы әлем чемпионы Жәнібек Әлімханұлы WBC белбеуінің иегері доминикандық Карлос Адамеске үндеу жасады. Бұл туралы KAZ.NUR.KZ хабарлайды.

Жақында Карлос Адамес Х желісіндегі ресми парақшасында промоутерлерге өзіне Жәнібек Әлімханұлына қарсы жекпе-жек ұйымдастыруды сұрап жазба қалдырған еді.

Сондай-ақ қазақстандық боксшы Жәнібек Әлімханұлы қарсыласының бұл мәлімдемесіне жауап берді

"Карлос, сен қайдасың? Бәріміз сенің қайда екеніңді білеміз! Сен қорқып жүрсің!", — деп жазды Жәнібек Әлімханұлы Х желісіндегі ресми парақшасында.

Айта кетейік, қазіргі уақытта Жәнібек Әлімханұлының командасы WBO ұйымының міндетті үміткері британиялық Хамза Ширазға қарсы жекпе-жек өткізу туралы келіссөздер жүргізіліп жатыр.

Еске салайық, 4 қазанда қазақстандық Жәнібек Әлімханұлы жаңазеландиялық Андрей Михайловичті жеңіп, IBF және WBO чемпиондық атақтарын қорғаған болатын.

Мәтіннен қате тапсаңыз, бізге жазыңыз