Екі қазақ боксшысы World Boxing әлем чемпионатының алтыны үшін таласады

Қазақстандық боксшылар Асылхан Көшербай мен Даниял Райымбеков World Boxing ұйымы алғаш рет өткізіп жатқан 19 жасқа дейінгі спортшылар арасындағы әлем чемпионатының финалына жолдама алды. Бұл туралы KAZ.NUR.KZ хабарлайды.

65 кг дейінгі салмақта сынға түскен қазақстандық боксшы Асылхан Көшербай жартылай финалдық бәсекеде украиналық Максим Ниженскиймен кездесті. Нәтижесінде қазақстандық боксшы Асылхан Көшербай төрешілердің бірыңғай шешімімен жеңіске жетті.

Асылхан Көшербайдың ақтық сындағы қарсыласы Аустралия боксшысы болмақ.

Тағы бір қазақстандық боксшы Даниял Райымбеков (85 кг) жартылай финалда Оңтүстік Корея боксшысы Шин Минсеуннен басым түсті. Енді ол ақтық сында Уэльс спортшысымен шеберлік байқасады.

Әлем чемпионатының финалдық жекпе-жектері 2 қараша өтеді.

Бұған дейін жұдырықтасқан Ерасыл Аманғалиев (55 кг) пен Диас Серікұлы (70 кг) ширек финалда сүрініп қалған болатын.

Айта кетейік, World Boxing ұйымдастыруымен алғаш рет өтіп жатқан 19 жасқа дейінгі боксшылар арасындағы әлем чемпионаты 2 қарашаға дейін жалғасады. Әлем чемпионатына 30 елден келген 180 боксшы бақ сынауда.

Мәтіннен қате тапсаңыз, бізге жазыңыз