Қазақстандық Тимур Баситов кәсіпқой бокста үшінші рет жеңіске жетті (видео)

20 жастағы қазақстандық боксшы Таиландта өткен жекпе-жекте Дүниежүзілік бокс кеңесінің (WBC Silver) экс-чемпионы Дон Паруеангты жеңді. Бұл туралы KAZ.NUR.KZ хабарлайды.

Тай боксшысы Дон Паруеанг осыған дейін 14 рет жекпе-жек өткізіп, 11 мәрте нокаутпен ұтқан. Алайда ол Таиландтағы бәсекеде қазақстандық жас боксшыдан айласын асыра алмады.

Жас боксшы тәжірибелі қарсыласын айқын басымдықпен жеңді - төрешілердің бәрі жеңісті бірауыздан Тимурға ұстатты. Осылайша Баситов кәсіпқой бокстағы үшінші жеңісін тойлады.

Жекпе-жектен кейін Тимур жанкүйерлер мен Қазақстан кәсіпқой бокс федерациясының президентіне алғыс айтты.

"Бұл – басы ғана. Алға, Қазақстан! Жақсы жекпе-жек болды. Алты раундқа созылды. Қарсылас бұрын чемпион болған. Құдай қаласа, менен қуанышты жаңалықтар күтіңіз", - деді қуанышын жасыра алмаған Тимур Instagram-дағы парағында.

Мәтіннен қате тапсаңыз, бізге жазыңыз