Бүгін Азия чемпионатында алты қазақстандық боксшы шаршы алаңға шығады

Таиландта өтіп жатқан бокстан Азия чемпионатының ширек финалдық кезеңінде бірнеше қазақстандық былғары қолғап шеберлері сынға түседі. Бұл туралы KAZ.NUR.KZ хабарлайды.

Бүгін, 5 желтоқсанда Азия чемпионатының ширек финалдық кезеңінде 6 қазақстандық боксшы жұдырықтасады.

• 57 кг. Оразбек Асылқұлов (Қазақстан) – Пануват Чожан-Ат (Қытай Тайбэйі);
• 60 кг. Бейбарыс Жексен (Қазақстан) – Акмал Убайдов (Тәжікстан);
• 80 кг. Ерасыл Жақпеков (Қазақстан) – Сағын Сатыбалды Уулу (Қырғызстан);
• 52 кг. Жазира Орақбаева (Қазақстан) – Луо Ю Тин (Қытай Тайбэйі);
• 57 кг. Ұлжан Сәрсенбек (Қазақстан) – Нгуен Хуен Чан (Вьетнам);
• 60 кг. Виктория Графеева (Қазақстан) – Е Чен-Сюань (Қытай Тайбэйі).

Ширек финалдық бәсекелер Қазақстан уақыты бойынша сағат 12:00-де басталады. Жекпе-жектердің тікелей көрсетілімін Азия бокс қауымдастығының YouTube желісіндегі ресми арнасынан көруге болады.

Айта кетейік, 5 және 6 желтоқсанда жарыстың қалған салмақ дәрежелері бойынша ширек финалдық кездесулер өтеді.

Ал жартылай финалдық жекпе-жектер 9 желтоқсанда, ал финалдық кездесулер 11 желтоқсанда өтеді.