Сәкен Бибосынов, Санжар Тәшкенбай: бүгін Азия чемпионатында боксшыларымыз ширек финалда бақ сынайды

Таиландтың Чиангмай қаласында өтіп жатқан Азия чемпионатының бүгінгі ширек финалдық бәсекелерінде қазақстандық боксшылар шаршы алаңға шығады. Бұл туралы KAZ.NUR.KZ хабарлайды.

Бүгін, 6 желтоқсанда Азия чемпионатының ширек финалдық бәсекесінде 5 қазақстандық боксшы бақ сынайды.

• 48 кг. Санжар Тәшкенбай (Қазақстан) – Мехрон Шафиев (Тәжікстан);
• 51 кг. Сәкен Бибосынов (Қазақстан) – Асылбек Жалилов (Өзбекстан);
• 54 кг. Махмұд Сабырхан (Қазақстан) – Джаятнатх Кумар (Шри-Ланка);
• 63,5 кг. Мұхаммедсабыр Базарбайұлы (Қазақстан) – Сомчай Вонгсуван (Тайланд);
• 92 кг. Сағындық Тоғамбай (Қазақстан) – Мадияр Сайдрахимов (Өзбекстан).

Ширек финалдық бәсекелер Қазақстан уақыты бойынша сағат 12:00-де басталады. Жекпе-жектердің тікелей көрсетілімін Азия бокс қауымдастығының YouTube желісіндегі ресми арнасынан көруге болады.

Айта кетейік, жартылай финалдық жекпе-жектер 9 желтоқсанда, ал финалдық кездесулер 11 желтоқсанда өтеді.